Mylluvísjón

Miðvikudaginn 15. maí var Mylluvísjón, söngkeppni nemenda Myllubakkaskóla, haldin fyrir húsfylli í Frumleikhúsinu. Það var mikið gleðiefni að geta aftur boðið upp á þennan viðburð og er skólinn afar þakklátur þakklátur Leikfélagi Keflavíkur fyrir lánið á leikhúsinu þeirra frábæra. Keppnin var algjörlega glæsileg, stútfull af hæfileikaríkum og hugrökkum nemendum sem glöddu áhorfendur.

Keppendur í ár voru alls 25 í 18 atriðum. Eins og áður var keppt í tveimur flokkum, yngri flokki 3. – 6. bekkja og eldri flokki 7. – 10. bekkja. Sigurvegari í eldri flokki var Kristín Inga í 6. bekk, í öðru sæti var Björvin Orri í 7. bekk og þriðja sæti var Bartosz Czeslaw í 6. bekk. Í yngri flokki sigraði Heiðdís í 5. bekk, í öðru sæti var Hildigunnur í 3. bekk og í því þriðja voru þær Ástrós Tekla í 5. bekk og Elísabet Rós í 3. bekk. Við óskum sigurvegurunum innilega til hamingju með sinn flutning og árangur. Við viljum líka þakka öllum nemendunum sem tóku þátt. Það þarf mikið hugrekki til að stíga á svið og syngja fyrir hóp af fólki og það sannaðist þarna enn og aftur að Myllubakkaskóli er fullur af hæfileikaríkum nemendum og framtíðin björt.

Myndir eru á heimasíðu skólans.