Fjölþjóðaver

Við Myllubakkaskóla er fjölþjóðaver þar sem kennsla nemenda með annað móðurmál en íslensku fer fram. Nemendur tilheyra allir almennum bekk og hafa sinn umsjónarkennara en fara í verið til að öðlast meiri orðaforða og færni í íslensku. Þetta getur átt við börn af erlendum uppruna eða íslensk börn sem dvalið hafa í útlöndum þorra ævi sinnar.

Kennsla í íslensku sem annað tungumál er fjölbreytt og samhliða íslenskunáminu er menningarfærni kennd ásamt því að þróa þekkingargrunn, örva námsgetu og stuðla að vellíðan nemenda.

Í aðalnámskrá grunnskóla, greinasvið 2013 segir m.a. að hæfni í íslensku sé meginforsenda þess að nemendur verði virkir þátttakendur í samfélagi lýðræðis og jafnréttis og geti lagt stund á almennt nám í íslenskum skólum. Hæfniviðmið eru sett fram í þremur flokkum, þ.e. lestur, bókmenntir og ritun.

Skipulag fjölþjóðavers 

Starfsmenn fjölþjóðavers vinna í samstarfi við umsjónarkennara og deildarstjóra stundatöflu fyrir nemendur í fjölþjóðaveri. Nemandi fylgir sínum bekk eins og kostur er og kennsla tekur mið að þörfum hvers og eins.

Móttökuferli og forvinna skólans fyrir móttökuviðtal

• Umsjónarkennari er valinn
• Ákveðið er hver á að sjá um leiðsögn um skólann fyrir nemendur og foreldra hans.
• Túlkur er pantaður ef þörf er á því.
• Umsjónarkennari og starfsmaður fjölþjóðavers boða nemanda og foreldra/forráðamenn í móttökuviðtal.
• Innritunarblað, helst á móðurmáli nemandans tekið til.

Móttökuviðtal

Farið er yfir innritunarblað og upplýsinga er aflað um nemandann.
Áður en skólaganga hefst þarf nemandi að hafa:

• Dvalarleyfi
• Tryggingar
• Heilbrigðisvottorð
• Gögn frá fyrri skóla

Kynna þarf:

• Starfsemi skólans - kynning (húsnæði, kennara, mötuneyti o.fl.)
• Samstarf heimilis og skóla (Mentor, samskiptabók, foreldrafélag o.fl.)
• Símanúmer skólans
• Heimasíðu skólans
• Facebook-síðu skólans
• Nesti, íþróttaföt, sundföt
• Hvernig á að tilkynna forföll og biðja um leyfi
• Hvert á að snúa sér ef vandamál koma upp
• Fjölþjóðaver
• Fyrsta skóladaginn og staðfesta hvenær hann er áætlaður.
• Næsta fund (ef við á)

Fyrstu skóladagarnir

• Umsjónarkennari undirbýr bekkinn og myndar vinateymi.
• Gott er að merkja hluti í skólastofunni
• Brýna fyrir nemendum að tala íslensku
• Halda utan um nám nemandans og fylgast með framförum. Aðrir kennarar láta umsjónarkennara vita hvernig gengur.
• Vera í góðum samskiptum við foreldra/forráðamenn
• Stöðumat lagt reglulega fyrir.
• Námsáætlun