Íþróttir og sund

8. - 10. bekkur

Íþróttakennsla fer fram í íþróttahúsinu við Sunnubraut og í Reykjaneshöll.

Ætlast er til að nemendur komi með íþróttaföt og skipti um föt fyrir hverja kennslustund, en noti ekki sömu föt og þau eru í skólanum þann daginn.

Sundkennsla í Myllubakkaskóla fer fram í Vatnaveröld á Sunnubraut. Nemendur skulu koma með viðeigandi sundfatnað, sundgleraugu og handklæði á þeim dögum sem sundkennsla fer fram. Stúlkur komi í sundbolum og drengir í sundskýlum eða sundbuxum. Þungar íþróttabuxur eða bikiní geta truflað námsframvindu verulega og valdið óþægindum þegar farið er í leiki.

** Ekki þarf að mæta með íþrótta- eða sundföt í fyrstu kennslustund vetrarins **

ATH!!

Munur á „Leyfi“ og að „Að horfa á“ kennslustund í íþróttum og sundi.

Ef skráð er leyfi á nemanda í Mentor þýðir það að nemandi mætir ekki í skóla eða yfirgefi skóla í þeim kennslustundum sem leyfi á við um.

Hins vegar ef nemandi getur illa tekið þátt í kennslustund dagsins og foreldar vilji að nemandi horfi á, þarf foreldri að hringja að morgni í skólann í síma 420-1450 eða senda póst á ritara, Loa.K.Kristinsdottir@Myllubakkaskoli.is, um að nemandi eigi að horfa á viðkomandi kennslustund. Nemendum er óheimilt að biðja sjálf um leyfi eða fá að horfa á og þurfa í öllum tilfellum að hafa samband við foreldra sem kemur ósk á framfæri.

Nemendur sem horfa á kennslustund munu þurfa að setja síma sína í geymslu hjá kennara á meðan kennslu stendur.

Mikilvægi reglulegrar hreyfingar.

„Markvisst íþrótta- og hreyfinám hefur ekki aðeins góð áhrif á líkamlega heilsu hvers nemanda, heldur hefur það einnig jákvæð áhrif á andlega og félagslega líðan. Eitt það mikilvægasta sem hver skóli getur veitt nemendum sínum er að styrkja sjálfsmynd hans og vellíðan ... Með jákvæðri upplifun af íþróttum og sundi, þar sem gleði og ánægja ríkir, eykst einnig vinnugleði og vellíðan sem hefur áhrif á allt skólastarfið.“

Ef eitthvað er óljóst varðandi kennslustundir í íþróttum og sundi eða eitthvað amar að barni ykkar sem kennari þarf að vita af, þá hvetjum við ykkur vinsamlega til að hafa samband við kennara barnsins.

 

Íþróttir og sund                                                  

gudbrandur.j.stefansson@myllubakkaskoli.is     

karen.m.arngeirsdottir@myllubakkaskoli.is

            

Íþróttir

kolbeinn.s.josteinsson@myllubakkaskoli.is

guðbrandur.j.stefansson@myllubakkaskoli.is

 

 

 

Með von um gott samstarf í vetur.

Íþróttakennarar Myllubakkaskóla.