Nemendafélag

Í Myllubakkaskóla er starfandi nemendafélag og er stjórnin skipuð nemendum úr 8.-10. bekk. Stjórn nemendafélagsins starfar í þágu nemenda og því er mikilvægt að þeir sem taka að sér embætti í stjórn nemendafélagsins séu meðvitaðir um það hlutverk og þær skyldur sem þeir gegna. Nemendur velja sjálfir að vera í stjórn nemendafélagsins. Í byrjun skólaárs er kosinn formaður, varaformaður og ritari.

Hlutverk
Hlutverk stjórnar nemendafélagsins er að efla félagslegan áhuga nemenda, skipuleggja og hafa yfirumsjón með félagslífi nemenda sem og standa vörð um hagsmuni og velferð nemenda skólans. Fulltrúi úr stjórninni er áheyrnarfulltrúi í skólaráði. Einnig situr formaður ásamt varaformanni í ungmennaráði Reykjanesbæjar.

Nemendur sem skipa stjórn nemendafélagsins skulu vera til fyrirmyndar bæði innan sem utan skólans, hafa góða skólasókn og sinna námi sínu af bestu getu. Þeir nemendur sem neyta áfengis, vímuefna eða tóbaks geta ekki verið meðlimir í stjórninni.

Í stjórn nemendafélags Myllubakkaskóla 2024-2025 eru:
Formaður: Perla Dís Gunnarsdóttir 10. SK, hún er einnig í unglingaráði og skólaráði
Varaformaður: Vilte Milleryte 10. SK, hún er einnig í unglingaráði og Jónatan Axel Þórðarson 9. HH, hann er einnig í skólaráði
Ritari: Bryndís Ólína Skúladóttir

Umsjónarmenn með félagsstörfum í Myllubakkaskóla eru Sigurveig Sigurðardóttir og Óðinn Jóhannsson.

Reglur
Fulltrúar í stjórn nemendafélagsins

• skulu vinna að hagsmuna- og velferðamálum allra nemenda
• vera talsmenn nemenda og koma hugmyndum þeirrra og ábendingum á framfæri
• bera upp erindi til umfjöllunar á fundum ráðsins
• hvetja aðra nemendur til þátttöku í félagsstarfi skólans með jákvæðu umtali
• mæta á nemendafélagsfundi og taka virkan þátt í umræðum og verkefnum á fundum
• koma að undirbúningi og útfærslu fjölbreyttra viðburða og hjálpa til við frágang að viðburðum loknum
• starfa undir leiðssögn umsjónarmanna félagsstarfa
• eru fyrirmyndir fyrir aðra nemendur skólans og þurfa að fara í einu og öllu eftir reglum skólans
  

Verði nemandi í nemendaráði uppvís af því að brjóta alvarlega gegn reglum skólans eða sýni af sér hegðun sem stríðir gegn þeim kröfum sem gerðar eru til þeirra þá geta þeir átt hættu á því að vera vísað úr stjórn nemendafélagsins. Hvert mál er skoðað sérstaklega.