Rithöfundur í heimsókn

Síðasta miðvikudag fengum við góðan gest í heimsókn til okkar í skólann. Rithöfundurinn Gunnar Helgason hitti nemendur í  í 3. – 7. bekk en hann hefur skrifað fjölmargar vinsælar barnabækur síðustu ár.

Gunnar sýndi nemendum kápur af bókum sínum. Hann útskýrði fyrir þeim hvernig ferlið við hönnun nýju bókakápunnar hefur gengið fyrir sig í samstarfi við Rán Flygenring. Það var áhugavert fyrir nemendur að fá innsýn í þetta skapandi ferli.

Nemendur stóðu sig mjög vel, hlustuðu af athygli og sýndu því sem hann hafði að segja mikinn áhuga. Hann las svo upp úr nýjustu bók sinni, Stella segir Bless, fyrir nemendur.

Það var ánægjulegt að sjá hve gaman nemendur höfðu af heimsókninni og þökkum við Gunnari Helgasyni kærlega fyrir heimsóknina.