Kúlubrautakeppni

Í dag var haldin kúlubrautakeppni hjá nemendum í  5. bekk. Nemendur höfðu safnað saman efnivið í um tvo mánuði á undan til að hafa úr sem mestu að moða. Þeir söfnuðu  aðallega tómum eldhús- og salernisrúllum, Pringels og Piknik dollum. 

Nemendum var skipt upp í tveggja til þriggja manna lið. Öllum liðum var afhentur bakki með efnivið, skærum, límbandi og kúlu. Í keppninni reynir á útsjónarsemi, samvinnu, rýmisgreind, hugmyndaflug og ýmislegt annað hjá nemendum. Brautirnar voru eins misjafnar og þær voru margar. Allar flottar og unnar af metnaði.  

Eins og í öllum alvöru keppnum voru óháðir dómarar í þetta skiptið aðstoðarskólastjóri og deildarstjóri. Dæmdu þeir um allskyns viðurkenningar t.d. besta brautin, frumlegasta brautin og flottasta nafnið á braut. 

Allir voru sammála um að þetta væri skemmtilegur dagur.