Nemendur leysa þrautir og bjarga sér frá jólakettinum

Nemendur leysa þrautir og bjarga sér frá jólakettinum í Breakout EDU leik!
Í desember tóku nemendur í 1. – 4. bekk þátt í spennandi Breakout EDU leik sem byggði á íslenskum jólasögum. Sagan í leiknum var sú að íslenski jólakötturinn var á leiðinni til byggða til að borða þau börn sem höfðu ekki fengið ný föt fyrir jólin. Til að bjarga sér þurftu nemendur að leysa fjölmargar þrautir til að opna kassann sem innihélt nýjan jólasokk, sem var eina leiðin til að forðast jólaköttinn!

Leikurinn var ekki aðeins skemmtilegur, heldur einnig frábært tækifæri fyrir nemendur að vinna saman í hópum undir tímapressu. Það var gaman að sjá hvernig þeir lifðu sig inn í leikinn og leystu þrautirnar með góðri samvinnu. Nemendur sýndu framúrskarandi hæfni í rökhugsun og þrautseigju sem eru mikilvægir þættir í þeirra daglega námi.

Breakout EDU leikir eru frábær leið til að þjálfa mikilvæga færni í skemmtilegu og ögrandi umhverfi. Það var ljóst að nemendur höfðu gaman af leiknum og allir voru stoltir þegar þeir náðu að leysa þrautirnar og bjarga sér frá jólakettinum í tæka tíð!

Við viljum þakka öllum nemendum fyrir þátttökuna í leiknum og vonum að þeir muni áfram njóta þess að vinna saman og takast á við nýjar áskoranir.

Myndir frá leiknum má finna á myndasíðu skólans.