Frístundaheimili Myllubakkaskóla

Umsjónarmaður er Rósa Ragúels
Símar: 420-1456, 616-0025
Netfang: rosa.raguels@myllubakkaskoli.is
Starfsmenn frístundaheimilisins eru: Ása Björg Einarsdóttir, Beata Maria Nowak, Bríana Lilja Björnsdóttir, Dröfn Einarsdóttir, Eva Margrét Falsdóttir, Guðrún Guðnadóttir, Kári Þorgilsson, Natalia Maria Pasternak, Signý Jóna Gunnarsdóttir og Sæþór Elí Bjarnason.
Hægt er að hringja í frístundasímann eftir kl. 11:00, fyrir þann tíma er bent á ritara skólans í s: 420-1450.

Frístundaheimilið er fyrir nemendur í 1.- 4. bekk og starfar frá kl. 13:10-16:15 á starfstíma skóla. Boðið er upp á síðdegishressingu alla daga. Frístundaheimilið starfar ekki á starfsdögum.  Lokað er í vetrarfríi,  jóla- og páskafríum nemenda.

Í Frístundaheimilinu er fjölbreytt dagskrá alla daga bæði með skipulagðri og frjálsri vinnu og leik. Við leggjum mikið upp úr hreyfingu og útiveru. Markmið með starfinu er að hver einstaklingur fái að njóta sín og þroskast í umhverfi sem einkennist af hlýju, öryggi og virðingu. Lögð er áhersla á að þroska félagslega færni í samskiptum gegnum leik og starf svo og virðingu fyrir sjálfum sér, öðrum og umhverfinu. Einkunnarorð skólans eru: Virðing- Ábyrgð - Jafnrétti og Árangur.

Skráning fer fram rafrænt á mittreykjanes.is.  Sótt er um fyrir hvert skólaár í senn. Ef vistunartíma er breytt skal gera það fyrir 15. hvers mánaðar. Segja verður upp vist í frístundaheimilinu með tveggja vikna fyrirvara. Ef það kemur fyrir að nemandi á ekki að fara í frístund eftir skóla þá er nauðsynlegt að tilkynna það.

Kostnaður og innheimta. Gjaldkeri bæjarskrifstofu Reykjanesbæjar sér um innheimtu gjalda fyrir frístundaheimilið. Kostnaður foreldra er 20.260 krónur á mánuði miðað við fullt gjald með síðdegishressingu.